उंब्रज प्रतिनिधी / गौरव खवळे
*उंब्रज पोलीस स्टेशनची उत्कष्ट कामगिरी*
*४,७६,०००/-रुपये किंमतीचे २५ मोबाईलचा शोध घेवून परत केले.*
उंब्रज पोलीस स्टेशन हद्दीतून नागरिकांचे गहाळ झालेले ४,७६,०००/-रुपये किंमतीचे २५ मोबाईलचा शोध घेवून श्री. रविंद्र भोरे सहा. पोलीस निरीक्षक उंब्रज यांचे हस्ते नागरिकांना परत केले.
मा. पोलीस अधीक्षक साो, सातारा श्री. समीर शेख साहेब, मा. अपर पोलीस अधीक्षक सो, श्रीमती वैशाली कडूकर मॅडम, मा. उपविभागीय पोलीस अधिकारी साो, श्री. अमोल ठाकुर यांनी श्री. रविंद्र भोरे सहा. पोलीस निरीक्षक उंब्रज पोलीस स्टेशन यांना उंब्रज पोलीस स्टेशन हद्दीतील गहाळ मोबाईल तक्रारी बाबत गांभीर्याने लक्ष पुरवून जास्तीत जास्त मोबाईलचे शोध घेवून नागरिकांना परत करणे बाबत सुचना दिलेल्या होत्या. त्या अनुषंगाने श्री. रविंद्र भोरे सहा. पोलीस निरीक्षक, यांनी गुन्हे प्रकटीकरण पोलीस अंमलदार यांना योग्य ते मार्गदर्शन केले. त्याप्रमाणे पो. कॉ. मयुर थोरात व इतर पोलीस अंमलदार यांनी सायबर पोलीस ठाण्याच्या माध्यमातून व सी. ई. आय. आर पोर्टल वरुन तांत्रिक माहिती प्राप्त करुन त्यांचे तांत्रिक माहितीचे विश्लेषन करुन सदरचे गहाळ झालेले मोबाईलचे तात्काळ शोध घेवून सातारा तसेच कोल्हापूर, सोलापूर, सांगली, पुणे, रायगड जिल्ह्यातून एकूण २५ मोबाईलचा शोध घेवून गहाळ झालेले मोबाईल नागरिकांना परत केल्याने नागरिकांमध्ये पोलीस प्रशासना बाबत प्रशंसनीय भावना व्यक्त करण्यात येत आहे. श्री. रविंद्र भोरे सहा. पोलीस निरीक्षक यांनी मोबाईल शोध मोहिममध्ये अशाच प्रकारचे सातत्य राहिल असे सांगितले आहे.
अशाप्रकारे उंब्रज पोलीस स्टेशन गुन्हे प्रकटीकरण शाखेने सी. ई. आय. आर. पोर्टल व इतर तांत्रिक माहितीच्या आधारे सातारा व इतर जिल्ह्यातून नागरिकांचे गहाळ झालेले एकूण ४,७६,००/- रुपये किंमतीचे २५ मोबाईल हस्तगत करुन मुळ मालकांना परत करण्यात आलेले आहेत.
सदरची कामगीरी मा. पोलीस अधीक्षक साो, सातारा श्री. समीर शेख साहेब, मा. मा. अपर पोलीस अधीक्षक सो, वैशाली कडूकर मॅडम, मा. उपविभागीय पोलीस अधिकारी साो, श्री. अमोल ठाकुर साहेब यांचे मार्गदर्शनाखाली सहा. पोलीस निरीक्षक रविंद्र भोरे, पोलीस उपनिरीक्षक रमेश ठाणेकर, पोलीस उपनिरीक्षक कोमल पाटील, पो. कॉ. मयुर थोरात, पो. कॉ राजकुमार कोळी, पो. कॉ. प्रशांत पवार, तसेच सायबर पोलीस ठाणेचे पो कॉ महेश पवार यांनी केली आहे.
Post a Comment
0 Comments